Boðið er upp á einstaklingsráðgjöf fyrir starfsfólk sem er tilbúið að rýna í eigin störf og taka markviss skref til að efla árangur og ánægju í vinnunni.

Ef þú ert undir of miklu álagi, ert að leita leiða til að auka ánægju í starfi eða vilt ná betri árangri, þá ertu á réttum stað. Markmiðið er að hjálpa þér að móta starf sem hentar þér betur og gefur þér meiri orku, tilgang og ánægju.

Ráðgjöfin er fyrir alla þá sem vilja taka meðvituð skref í átt að betri líðan í starfi – hvort sem þeir starfa sjálfstætt, eru stjórnendur, sérfræðinga eða eru hluti af stærra teymi. Ráðgjöfin snýst um að staldra við, ígrunda stöðuna og opna fyrir nýjar leiðir.

Nálgunin byggir bæði á víðtækri reynslu úr atvinnulífinu og traustum fræðilegum grunni um vellíðan í starfi og starfsmótun (job crafting). Starfsmótun snýst um það sem hver starfsmaður getur gert til að móta sitt starf til að nýta betur eigin styrkleika og áhugasvið í takt við sett markmið. Með því að vinna markvisst með verkefni, samskipti og viðhorf er hægt að auka bæði ánægju og árangur í starfi.

Ekki er nauðsynlegt að skipta um starf til að bæta líðan í vinnunni – stundum þarf aðeins nýja sýn, skýrari fókus og rétt verkfæri.

Boðið er upp á tvenns konar ráðgjöf fyrir stjórnendur.

VELLÍÐAN OG ÁRANGUR STJÓRNANDANS

Annars vegar snýst ráðgjöfin um hvað stjórnandinn getur sjálfur gert til að hlúa að eigin vellíðan í starfi. Auk þess fræðilega bakgrunns sem vísað er í lýsingu á einstaklingsráðgjöfinni hér að framan býr Sigrún að viðamikilli reynslu sem millistjórnandi hjá Kaupþingi, hótelstjóri á Hótel holti og sem rekstarstjóri hjá Heilsuborg (nú Heilsuklasinn).

Hins vegar felst í stjórnendaráðgjöfinni stuðningur til að efla árangur og ánægju teyma.

VELLÍÐAN OG ÁRANGUR Í TEYMUM

Ráðgjöfin byggir á fræðum um leiðtogafærni, vellíðan í starfi og starfsmótun auka fræða um sálrænt öryggi á vinnustað ( psychological safety) sem er grunnur af öflugu teymi. Unnið er með samskiptafærni og sannreyndum aðferðum sem skapa árangursríka vinnustaðamenningu.

🌱 Fjölmörg stéttarfélög styrkja félagsmenn sína til að sækja sér stjórnendaráðgjöf.

Á vinnustofunni er farið yfir helstu þætti í starfsumhverfinu sem hlúa að vellíðan. Einnig er ítarlega fjallað um starfsmótun (job crafting), fræðin um það hvað hver og einn getur gert til að efla eigin ánægju og árangur í starfi. Skoðuð eru fjölmörg dæmi um starfsmótun og þátttakendur fá tækifæri til að rýna í eigið starf og taka fyrstu skrefin í átt að betri líðan í starfi.

Hér má lesa frétt um vinnustofu sem haldin var fyrir starfsfólk þriggja deilda í Háskólanum á Akureyri síðastliðið haust.

Viðbröð við vinnustofunni hafa verið afar jákvæð en hér er ummæli frá þátttakendum á tæplega 50 manna vinnustofu fyrr í vor.

"Prestafélag Íslands hélt menntadag fyrir félagsmenn og fékk Sigrúnu Þorgeirsdóttur til halda vinnustofu um starfsmótun (e. jobcrafting).  Var mikil ánægja í hópi þátttakenda með vinnustofuna og umfjöllunarefnið, sem var afar gagnlegt og skýrt framsett. Það má auðveldlega tengja það aðstæðum og verkefnum prestsins og nýta til að styðja við eigin vellíðan í starfi."

Boðið er upp á fyrirlestra um vellíðan í starfi og starfsmótun. Fyrirlestrarnir henta stjórnendum og sérfræðingum, sem og almennu starfsfólki. Farið er yfir fræðin um vellíðan í starfi og starfsmótun þar sem áhersla er lögð á þá möguleika sem hver og einn hefur til að efla eigin vellíðan og árangur í starfi í takt við sett markmið fyrirtækis.

Námskeiðið er í boði hjá Símenntun Háskólans á Akureyri. 

Á námskeiðinu er fjallað um hvað felst í vellíðan í starfi, hvað það er sem dregur úr vellíðan og eykur líkur á kulnun í starfi. Jafnframt er farið yfir mikilvægi stuðnings í starfi sem meðal annars felst í góðu skipulagi og samskiptum. Auk þessa er rætt um áhrif þess að hafa hafa skýra ábyrgð í starfi sem og frelsi til athafna um hvernig verkin eru unnin og útfærð. Sagt er frá fjölmörgum raundæmum um hvernig starfsfólk hefur mótað störf sín til að bæta eigin líðan í starfi.

Námskeiðið stendur yfir í 3 vikur . Í upphafi hverrar viku fá nemendur aðgang að stuttum fræðsluerindum sem eru aðgengilegar á kennsluvef þegar hentar. Einu sinni í viku er sameiginlegur klukkustundar langur hittingur á Zoom þar sem efni fyrirlestranna er rætt og verkefni leyst til að finna praktískar leiðir til að nýta starfsmótun.

🌱 Næsta námskeið verður í boði í annað sinn haustið 2026.

Þessa dagana eru þær Ingu Þórisdóttir hjá Via Optima og Sigrún Þorgeirsdóttir hjá Starfsmótun að undirbúa hálfsdags vinnustofur sem sniðnar verða að starfsdögum fyrirtækja og stofanna.

Uppleggið er góð samskipti og hvernig hægt er að skapa og viðhalda heilbrigðri vinnustaðamenningu.

🌱 Vinnustofan verður kynnt nánar í lok ágúst.